راولپنڈی: اغوا کاروں نے ناکامی پر کمسن بچی پر پٹرول چھڑک کر آگ لگا دی

راولپنڈی ( اپنے سٹاف رپورٹر سے) راولپنڈی کے علاقے رتہ امرال میں 6سالہ بچی کو اغواء کرنے کی کوشش اہل محلہ نے ناکام بنا دی۔ اغواء کار ناکامی پر بچی کو آگ لگا کر فرار ہو گئے۔ تفصیلات کے مطابق راولپنڈی کے علاقے رتہ امرال میں 5نامعلوم اغواء کاروں نے6سالہ بچی کو اغواء کرنے کی کوشش کی مگر بچی کی مزاحمت اور شور پر اہل علاقہ نے اغواء کی کوشش ناکام بنا دی۔ ناکام ہونے پر اغواء کاروں نے بچی پر پٹرول چھڑک کر آگ لگا دی اور موقع سے فرار ہو گئے۔ اہل محلہ اور بچی کے والدین نے بچی کو ہولی فیملی ہسپتال کے برن سنٹر میں داخل کرا دیا۔ اسکی حالت بدستور تشویشناک ہے ۔ تھانہ رتہ امرال نے 5نامعلوم افراد کے خلاف مقدمہ درج کر کے ملزمان کی تلاش شرع کر دی ہے۔