راولپنڈی (اپنے سٹاف رپورٹر سے) راولپنڈی سے شادی شدہ خاتون لڑکیاں اغواء کرلی گئیں والدین فریاد لئے اپنے اپنے علاقے کے تھانے علاقے کے تھانے جا پہنچے تھانہ بنی کو سعید الرحمٰن نے بتایا کہ محلہ راجہ سلطان میں میری بہو18 سالہ شیبہ بی بی کو ملزمان بلال وغیرہ نے اغواء کرلیا ہے ۔تھانہ نصیر آباد کو میاں غلام نبی نے بتایا کہ قاسم آباد سے میری22 سالہ بیٹی سلمیٰ کونامعلوم ملزم نے اغواء کرلیا ہے تھانہ پیرودھائی کو دولت خان نے بتایا کہ اعوان مارکیٹ سے میری بیٹی مریم بی بی کو ملزمان عامر خان وغیرہ نے اغواء کرلیا ہے۔ تھانہ ائرپورٹ کو عائشہ بٹ نے بتایا کہ گلریزii میں میری14/15 سالہ بیٹی انعم کو ملزم وقاص بٹ نے اغواء کرلیا ہے ۔