لاہور ( سپورٹس رپورٹر ) پاکستان سپر لیگ تھری کیلیے فرنچائز ٹیموں نے متبادل کرکٹرز کا انتخاب کر لیا۔ نیشنل کرکٹ اکیڈمی میں متبادل کرکٹرز کے انتخاب کیلئے منعقدہ سیشن میں کراچی کنگز نے مچل جونسن کی جگہ ٹائمل ملز کو اپنے سکواڈ میں شامل کیا۔ لیوک رائیٹ کی جگہ جوئی ڈینلی کو لیا گیا ہے۔ کولن منرو کے بجائے اب لینڈل سیمنز کراچی کنگز کی جانب سے ایکشن میں ہونگے۔کوئٹہ گلیڈی ایٹرز نے کارلوس بریتھ ویٹ کی عدم دستیابی پر جوفرا آرچر کو منتخب ہے۔ لاہور قلندرز نے اینجیلو میتھیوز کی جگہ کیوی کرکٹر اینٹن ڈیوچ کی خدمات حاصل کی ہیں۔ ملتان سلطانز نے سری لنکا کے تشارا پریرا اور افغانستان کے نوجوان سپنر ظاہر خان کو متبادل کھلاڑی کے طور پر منتخب کر لیا، جنوبی افریقن لیگ سپنر عمران طاہر لیگ میں پہلے تین میچوں کے لئے ملتان سلطانز کو دستیاب نہیں ہو ں گے۔