نئی دہلی (این این آئی) بالی وڈ کی خوبرو اداکارہ تمنا بھاٹیہ پر مداح نے جوتا پھینک دیا۔ میڈیا رپورٹ کے مطابق بالی وڈ اداکارہ تمنا بھاٹیہ بھارتی ریاست تلنگانہ کے دارالحکومت حیدرآباد دکن میں ایک جیولری شاپ کا افتتاح کرنے کیلئے پہنچیں تو وہاں موجود ان کے ایک مداح نے ان پر جوتا پھینک دیا جو خوش قسمتی سے نشانہ پر نہیں لگا۔ وہاں پر موجود سکیورٹی عملے کے ارکان نے فوری کارروائی کرتے ہوئے اداکارہ پر جوتا پھینکنے والے 31 سالہ نوجوان کو موقع پر ہی گرفتار کر لیا گیا۔ پولیس کے مطابق نوجوان نے تفتیش کرنے پر انکشاف کیا کہ انہوں نے اداکارہ کی جانب سے غلط فلم میں کام کرنے پر ان کی جانب جوتا پھینکا‘ تاہم اس کی طرف سے یہ نہیں بتایا گیا کہ اسے اداکارہ کی کون سی فلم غلط لگی۔ پولیس نے نوجوان کو گرفتار کرکے نامعلوم مقام پر منتقل کر دیا۔