اسلام آباد (نمائندہ خصوصی) کسٹمز گروپ کے گریڈ 20 کے افسر ڈاکٹر ارسلان سبکتگین نے گریڈ 21 میں ترقی کے بعد ڈی جی انفورسمنٹ اسلام آباد کے منصب کا چارج سنبھال لیا۔ جبکہ ایف بی آر کے 30 افسروں نے گریڈ 19 سے 20 اور گریڈ 20 سے 21 میں ترقی کے بعد اپنی ذمہ داریوں کا چارج سنبھال لیا۔ ترقی کے بعد گریڈ 20 میں نئے مناصب کا چارج سنبھالنے والے افسروں میں عبدالقادر شیخ‘ محمد فیصل مشتاق‘ آمنہ فیض بھٹی‘ عظمت طاہرہ‘ عثمان باجوہ‘ ڈاکٹر شاہد رشید بھٹی‘ منزہ مجید‘ غزالہ حمید‘ فیض علی ‘ ریاض احمد میمن‘ محمد علی‘ خلیل ابراہیم یوسفانی شامل ہیں۔ گریڈ 21 میں ترقی پانے والوں میں عبدالباسط چودھری‘ ڈاکٹر شفقت حسین اور عبدالرشید شامل ہیں۔ انہوں نے اپنی نئی ذمہ داریوں کا چارج سنبھال لیا ہے۔ ایف بی آر نے گریڈ 20 اور 21 میں ترقی پانے والے افسروں کا موجودہ عہدہ کو اپ گریڈ کر دیا ہے۔