نئی دہلی(صباح نیوز) بھارت کے سابق وزیر دفاع جارج فرنانڈس طویل عرصے بیمار رہنے کے بعد انتقال کر گئے۔ بھارتی میڈیا کے مطابق واجپائی کی حکومت میں وزیر دفاع رہنے والے جارج فرنانڈس صبح نئی دہلی میں 88 سال کی عمر میں چل بسے۔سابق وزیر دفاع جارج فرنانڈس کافی عرصے سے بیمار تھے لیکن ان کی موت کی وجہ انہیں چند روز قبل ہونے والا سوائن فلو بنا۔جارج فرنانڈس 3 جون 1930 کو پیدا ہوئے، وہ پہلی دفعہ 1967 میں لوک سبھا کے رکن منتخب ہوئے، وہ کئی مرتبہ یونین کابینہ کے وزیر بھی رہ چکے ہیں۔