ریلوے انجنوں سے کاپر کیبل وائر چوری کرنیوالا ملزم گرفتار

لاہور( سٹاف رپورٹر ) پاکستان ریلوے پولیس لاہور ڈویژن نے کاروائی کرتے ہوئے ریلوے انجنوں سے کاپر کیبل وائر چوری کرنے والے شخص الیاس کو رنگے ہاتھوں گرفتار کر لیا۔ ملزم الیاس نیو سک لائن لوکو شیڈ لاہور سے ریلوے انجنوں کی کاپر کیبل وائر چوری کر کے لا جارہا تھا جس کو ریلوے پولیس کے سب انسپکٹر محمد عرفان اور ریلوے پولیس اہلکاروں نے رنگے ہاتھوں گرفتار کر لیا۔ ملزم مذکور کے خلا ف تھانہ ریلوے پولیس لاہور میں مقدمہ درج کیا گیا ہے۔