فیروز والہ : مریدکے میںقتل5افرادسپرد خاک ‘ بٹ گروپ کیخلاف مقدمہ درج

فیروز والہ (نامہ نگار )جی ٹی روڈ کی آبادی قلعہ مسیتا (حدوکے ) مریدکے میں قتل باپ بیٹے سمیت پانچ افراد کی ہلاکت کا  بٹ گروپ کے 12 افراد کیخلاف مقدمہ درج کر لیا گیا مقتولین کومقامی قبرستان میں سپرد خاک کر دیا گیا۔ مقتول ریاست علی اور بیٹے عبدالرئوف کے علاوہ دیگر تین ساتھیوں عامر عرف بھولا، وقاص شاہ اور معراج دین کے جب جنازے اکھٹے اٹھے تو علاقہ میں سوگ کی فضاپیدا ہو گئیں لوگ دھاڑیں مار کر روتے رہے‘ علاقہ میں کشیدگی کی فضا رہی‘ پولیس کی گشت علاقہ میں بڑھا دی گئی۔سٹی مریدکے پولیس نے مقتولین کے ورثاء قصاب گروپ کے امانت علی کی رپورٹ پر بٹ گروپ کے10 افراد خاور عرف کھاری بٹ ، ہمایوں بٹ ، ندیم عرف ڈیمری اور منیب الرحمان ڈار اور دیگر افراد کیخلاف مقدمہ درج کر لیاا۔ ملزموں کی گرفتاری کیلئے پولیس کی ٹیمیں تشکیل دیدی گئیں۔تا ہم پانچ افراد کے قتل کے مقدمے میں ملوث کسی ملزم کی گرفتاری عمل میں نہیں آئی۔ زخمی محمد رمضان ہسپتال میں زیر علاج ہے پولیس نے مقتولین کے گھروں کی حفاظت کیلئے پولیس اہلکار شفٹ وائز ڈیوٹی لگا دی گئی ہے۔