اسلام آباد (نمائندہ خصوصی) وزیراعظم عمران خان نے سماجی رابطے کی ویب سائٹ ٹوئٹر پر کہا ہے کہ سکردو کا علاقہ بین الاقوامی ایئرپورٹ کے بعد ونٹر گیمز کا مرکز بنے گا۔ گلگت اور سکردو میں ہماری لڑکیاں رات کو آئس ہاکی کھیل رہی ہیں۔ وزیر اعظم عمران خان نے سکردو اور گلگت میں آئس ہاکی کھیلتے ہوئے لڑکیوں کی تصاویر بھی سوشل میڈیا پر شیئر کر دیں۔ دوسری جانب وزیراعظم عمران خان نے سیرین ایئر میں تنخواہوں میں اضافے کے فیصلے کو خوش آئند قرار دیتے ہوئے کہا 100 بڑی کمپنیاں اپنے ملازمین کی تنخواہوں میں اضافہ کریں۔ وزیراعظم عمران خان نے ٹوئٹر پر اپنے پیغام میں کہا ہے کہ سیرین ایئر میں 15 سے 44 فیصد تک تنخواہوں میں اضافے کا فیصلہ خوش آئند ہے۔ ملک کی 100 بڑی کمپنیوں نے 950 ارب روپے کا منافع گزشتہ سال کمایا۔