کیف (انٹرنیشنل ڈیسک) یوکرائن کے صدر نے روسی حملوں کو پسپا کرنے کیلئے اپنے اتحادی ممالک سے مطالبہ کیا ہے کہ وہ یوکرائنی فوج کو طویل فاصلے تک مار کرنے والا جدید میزائل سسٹم جلد از جلد فراہم کریں۔ ویڈیو پیغام میں امریکہ سمیت دیگر اتحادی ملکوں سے اپیل کی ہے کہ روس کا مقابلہ کرنے اور اس کے خطرناک میزائلوں کو فضا میں ہی تباہ کرنے کیلئے یوکرائنی فوج کو جدید ٹینکس کے بعد اب میزائل سسٹم بھی فراہم کئے جائیں۔ خبرایجنسی کے مطابق امریکہ اور نیدرلینڈز یوکرائن کو زمین سے فضا میں مار کرنے والا پیٹریاٹ میزائل سسٹم بھیجے گا تاکہ اس کی فضائی دفاعی صلاحیتوں کو تقویت دی جا سکے۔