لاہور‘ قلعہ دیدار سنگھ (نامہ نگار + نمائندہ خصوصی) شہر  کے مختلف علاقوں میں دو نوجوانوں نے حالات‘ قلعہ دیدار میں لڑکی نے دلبرداشتہ ہو کر خودکشی کر لی ہے۔ تفصیلات کے مطابق گرین ٹاؤن کے علاقے میں 18 سالہ نوجوان سلمان نے جبکہ شاہدرہ کے علاقے فرخ آباد کے رہائشی20 سالہ رحمن نے حالات سے دلبرداشتہ ہو کر زہریلی گولیاں کھا لیں۔ پولیس نے موقع پر پہنچ کر نعشیں قبضے میں لے کر پوسٹ مارٹم کے لئے مردہ خانے منتقل کر کے قانونی کارروائی کا آغاز کر دیا ہے۔ تھانہ اروپ کے علاقے نواب چوک کے محلہ صادق آباد کے رہائشی محمد جاوید کی بیس سالہ بیٹی سحر کو دو روز قبل اس کے خاوند نے طلاق دی تھی جس سے دلبرداشتہ ہو کر اس نے گزشتہ روز گلے میں پھندا ڈال کر خودکشی کر لی۔ پولیس نے نعش ورثاء کے حوالے کر دی ہے۔