عروج آفتاب گریمی شو میں پرفارم کریں گی

لاہور(کلچرل رپورٹر) پاکستانی کی گریمی ایوارڈ یافتہ گلوکارہ عروج آفتاب گریمی ایوارڈ شو میں پرفارم کرکے ریکارڈ قائم کریں گی۔ عروج آفتاب، انوشکا شنکر کے مدمقامل گریمی کیلئے منتخب اپنے گانے ادھیڑو نا پر پرفارم کریں گی۔ گلوکارہ نے انسٹاگرام پر اپنے مداحوں کو خبر سے آگاہ کیا اور انہوں نے ایک پوسٹ شیئر کی جس میں ان کی پرفارمنس کی تفصیل موجود ہے۔عروج آفتاب نے پوسٹ کے ساتھ کیپشن لکھا میں گریمی کیلئے لائیو پرفارم کرنے کیلئے بے تاب ہوں۔لائیو پرفارمنس پاکستانی وقت کے مطابق پانچ فروری کو رات ساڑھے بارہ بجے منعقدہوگی۔