بہت سے اچھے اداکاروں کو مواقع  فراہم نہیں کئے جاتے : سمیع خان 

لاہور(کلچرل رپورٹر) اداکار سمیع خان نے شوبز انڈسٹری سے متعلق اہم انکشاف کیا کہ ہماری انڈسٹری میں ایسے بہت سے اداکار ہیں جو اپنے کام میں مہارت رکھتے ہیں مگر انہیں آگے بڑھنے کے اچھے مواقع فراہم نہیں کئے جاتے۔ کئی اداکار انڈر ریٹڈ کی فہرست میں آتے ہیں، جو اچھا کام کر رہے ہیں اور بہترین اداکاری کرتے ہیں ان میں ایک فیضان شیخ اور دوسرے پارس مسرور ہیں۔ سمیع خان نے خواتین انڈرریٹڈ اداکاروں میں ہاجرہ یامین کا ذکر کرتے ہوئے کہا کہ وہ بہت اچھی اداکارہ ہیں میں خود بھی ان کے ساتھ کام کر چکا ہوں۔ میں ہمیشہ صرف ان اداکاروں کے حوالے سے بات کرتا ہوں جنہیں تعاون کی ضرورت ہوتی ہے باقی اداکاروں کو خدا کی طرف سے شہرت حاصل ہے۔