35 ویں کامن کیپٹن(ر)مستنصر فیروزنئے سی ٹی او لاہور تعینات

لاہور(نامہ نگار)نئے تعینات ہونے والے سی ٹی او لاہورایس ایس پی کیپٹن(ر)مستنصر فیروزکا تعلق پولیس کے 35 ویں کامن سے ہے۔ کیپٹن(ر) مستنصر فیروز نے 2008 میں بطور اے ایس پی پاکسان پولیس سروسز میں شمولیت اختیار کی۔ انہوں نے اپنے کیرئیر کا آغاز بطور اے ایس پی مارگلہ سرکل سے کیا۔ انہیں بعدازاں ایس پی سی آئی اے اسلام آباد اور ایس پی سٹی اسلام آباد تعینات کردیا گیا۔ کیپٹن(ر) مستنصر فیروز ایس پی آپریشنز ماڈل ٹاؤن بھی تعینات رہے۔ انہوں نے بطور ڈسٹرکٹ پولیس آفیسر 5 اضلاع میں اپنی صلاحیتوں کا لوہا منوایا۔ کیپٹن(ر) مستنصر فیروز ڈی پی او چنیوٹ، ڈی پی او بہاولپور، ڈی پی او بہاولنگر، ڈی پی او سیالکوٹ، ڈی پی او میانوالی بھی فرائض سرانجام دیتے رہے۔ کیپٹن(ر) مستنصر فیروز نے ایس پی سکیورٹی لاہور اور ایس پی سی آر او لاہور بھی فرائض سرانجام دئیے۔ انہیں 2 مرتبہ بطور ایس ایس پی آپریشنز لاہور فرائض سرانجام دینے کا بھی اعزاز حاصل ہے۔ سی ٹی او لاہور تعیناتی سے پہلے وہ پنجاب سیف سٹیز اتھارٹی میں فرائض سرانجام دے رہے تھے۔ ان کا شمار انتہائی محنتی اور پروفیشنلز افسران میں ہوتا ہے۔