لاہور(سپورٹس رپورٹر) زلمی میڈیا ٹی ٹین لیگ شروع ہوگئی ۔افتتاح پشاور زلمی کے ڈائریکٹرکرکٹ سابق ٹیسٹ کرکٹر محمد اکرام نے کیا۔ ڈائریکٹر پشاور زلمی محمد اکرم نے کہا کہ زلمی نے پہلی مرتبہ ملک بھر میں ٹیلنٹ ہنٹ کیلئے ٹرائلز کا انعقاد کیا جہاں 15سے20ہزار تک بچوں نے شرکت کی اور ان میں سے100 کا انتخاب کیا گیا جو کہ اب مختلف ٹیموں کا حصہ ہیں ۔ پی ایس ایل 8 کے بعد دوبارہ ملک بھر میں ٹرائلز کا انعقاد کیا جائیگا۔ امید ہے پی ایس ایل میں ہماری ٹیم اچھی کارکردگی کا مظاہرہ کریگی۔ حیات آباد سٹیڈیم اور ارباب نیاز سٹیڈیم جون تک تیار ہوجائیں گے۔ بابر اعظم ورلڈ کلاس پلیئر ہے ان کی فین فالونگ پوری دنیا میں موجود ہے اور اس نے پاکستان کیلئے بہت بڑا نام کمایا ہے۔پہلے دن مردان زلمی کی ٹیم نے بنوں زلمی‘ کوہاٹ زلمی نے خیبر زلمی‘ڈی آئی خان زلمی نے زلمی فورس‘ملاکنڈ زلمی نے ایبٹ آبادزلمی کو ہر ادیا۔