لاہور (سپورٹس رپورٹر)پاکستان کرکٹ ٹیم کے دو اسٹار فاسٹ باﺅلرز حارث رف اور شاہین شاہ آفریدی کے درمیان ”پاپ دی بال ان دی گلاس“کا مقابلہ ہوا جس کی ویڈیو لاہور قلندرز نے سوشل میڈیا پر شیئر کی۔مقابلے کو حارث اور شاہین نے سپر اوور کا نام دیا، ویڈیو میں دیکھا جاسکتا ہے کہ شاہین نے پہلے بال کے ذریعے ٹاس کیا جو حارث نے جیتا، مقابلے میں گیند کو نمبرز والے گلاس میں ڈالنا تھا۔حارث رﺅف اس کھیل میں گیند ایک نمبر والے گلاس میں ہی ڈال سکے جس کے باعث انہوں نے ایک رن بنایا۔دوسری جانب جب باری شاہین کی آئی تو انہوں نے دوسری باری میں گیند دو نمبر والے گلاس میں ڈال دی اور یوں وہ مقابلہ جیت گئے۔