کراچی (این این آئی)ملکی سیاسی و معاشی صورتحال انتہائی پیچیدہ اور نازک ہے،اس وقت سیاسی اورمعاشی استحکام کی ضرورت ہے،ملکی بقائوسلامتی کاتقاضاہے تمام ادارے اپنے آئینی حدود میں رہتے ہوئے ملک وقوم کی ترقی میں اپنا اپنا کردار ادا کر یں، اندرونی اور بیرونی سرمایہ کاری کیلئے سیاسی استحکام نا گزیر ہے۔ملک میں ایک ایسے معاہدے کی ضرورت ہے جس سے کوئی بھی حکومت عدم استحکام سے دوچار نہ ہو،مہنگائی،آٹے کی مصنوعی قلت، آئی ایم ایف کے ذریعے سامراجیوں کی عوام دشمن مالیاتی پالیسیوں،نجکاری، اور ٹریڈ یونین پر پابندیوں کے خلاف ریٹائرڈ ملازمین اور پینشنرز کی نمائندہ وفاء تنظیم کی جانب سے ملک گیر احتجاج کا آغاز کر دیا ہے جس کا دائرہ کار مزید بڑھایا جائے گا،ملک بھر کے وفاقی و صوبائی محکموں۔خود مختیاراداروں۔کارپوریشنوںتمام قومی بینکوں۔قومی ایئر لائن۔پاکستان ریلوے۔پاکستان پوسٹ پوسٹل لائف انشورنس،پاکستان ٹیلی ویژن،او جی ڈی سی،سوشل سیکیورٹی صنعتی اداروں کے ای او بی آئی جیسے اداروں کے پنشنرز کہ مسائل فوری حل کیے جائیں۔ان تمام پنشنرز نے ملک و قوم کے لئے اداروں کی خدمت کر کے جوانیاں قربان کی ہیں۔ہوشربا مہنگائی۔اشیائے ضروریہ ادویات۔پیٹرولیم مصنوعات۔گیس کی قیمتوں میںکئی گناہ اضافہ ہو چکاہے جس سے عام شہری تک پریشان ہیں تو ایسے میں پینشنرز کاگزارا کیسے ممکن ہے پنشنرز مہنگائی کی چکی میں بری طرح پس رہے ہیں ۔جو حکمرانوں کے لئے لمحہ فکریہ ہے!پنشنرز کی پنشن میں سو فیصد اضافہ کیا جائے،گڈو پاور ہائوس کے منافع بخش پاور پلانٹ 747MWکو آئوٹ سورس نہ کیا جائے ۔گڈو پاور ہائوس کے ریٹائرڈ فورمینز ٹائم اسکیل اپ گریڈیشن BPS-16سے BPS-17دینے میں تاخیری حربے ختم کرکے فلفور احکامات جاری کئے جائیں ۔ اجلاس اور احتجاجی مظاہرے سے خطاب کرتے ہوئے پیپلز لیبر بیورو سندھ کے صدر حبیب الدین جنیدی ، وفاء تنطیم کے سربراہ احمد سلمان شاہین ، سرپرست اعلیٰ فضیل احمد عثمانی ، چیف آرگنائیزر شمس الدین سولنگی اور سینئر نائب صدر محسن زیدی ، ریاض عباسی و دیگر نے کہا کہ  اندرونی اور بیرونی سرمایہ کاری کیلئے سیاسی استحکام نا گزیر ہے۔ملک میں ایک ایسے معاہدے کی ضرورت ہے جس سے کوئی بھی حکومت عدم استحکام سے دوچار نہ ہو، خاص طور پر میثاق معیشت نا گزیر ہے کیونکہ اس کے بغیر ریاست کا نظام نہیں چل سکتا۔ سندھ سیکٹریٹ کے سامنے کبوتر چورنگی پر گڈو پاور ہائوس کے منافع بخش پاور پلانٹ کو آئوٹ سورس کرنے کے خلاف احتجاجی مظاہرہ کیا گیا مظاہرین سے پیپلز لیبر بیورو سندھ کے صدر حبیب الدین جنیدی ، وفاء تنطیم کے سربراہ احمد سلمان شاہین ، سرپرست اعلیٰ فضیل احمد عثمانی ، چیف آرگنائیزر شمس الدین سولنگی اور سینئر نائب صدر محسن زیدی ، ریاض عباسی نے خطاب کیا۔