چک امرو+ شکرگڑھ (نامہ نگاران) این اے 76  میں رہنما (ن) لیگ احسن اقبال نے اجتماعات سے خطاب کرتے ہوئے کہا آج سات ہزار مقامی طلبہ نارووال کی یونیورسٹیوں میں زیر تعلیم ہیں۔ سیالکوٹ، کرتار پور سڑک اقتصادی راہداری بنے گی۔ لاہور، سیالکوٹ نارووال موٹر وے لنک روڈ سے ترقی کا نیا سفر شروع ہوگا۔ اگلا قدم نارووال میں صنعتوں کا فروغ ہے۔ امن، تعلیم اور ترقی سے سیاست اور نارووال کو بدلا ہے۔ پاکستان کی بقا، ترقی کا تقاضا ہے کہ شیر کو جتوایا جائے۔ کیا کوئی سیاسی جماعت اپنے ہی قائد کے گھر کو جلا کر راکھ کر سکتی ہے؟۔ 9 مئی کو تحریک فساد کا اصل چہرہ سامنے آگیا۔ ایک جماعت جنت کے پرمٹ کے نام پر ووٹ مانگ رہی ہے۔ مسلم لیگ پاکستان کی ماں ہے اور قائد اعظم کی جماعت ہے۔ مسلم لیگ (ن) پاکستان کی بقا، ترقی اور خوشحالی کی ضامن ہے۔ آزاد امیدوار آپ کے ووٹوں کا سودا کریں گے۔ اپنا ووٹ ضائع نہ کریں، مسلم لیگ (ن) کو دیں۔