سینئر صحافی شہریار خان اور گیبریل ڈی سوزا کے اعزاز میں خصوصی تقریب

اسلام آباد(سپورٹس رپورٹر )راولپنڈی اسلام آباد سپورٹس جرنلسٹس ایسوسی ایشن (رسجا)نے اپنی روایات کو برقرار رکھتے ہوے صحافتی شعبے میں 30سالہ شاندار خدمات کے اعتراف میںسینئر صحافی شہریار خان اور گیبریل ڈی سوزا کے اعزاز میں خصوصی تقریب کا انعقاد کیا۔ پاکستان سپورٹس کمپلیکس اسلام آباد میں ہونیوالی تقریب میں صدر رسجا افضل جاوید، سیکرٹری جنرل ناصر نقوی،سیکرٹری فنانس سہیل راجہ ، سینر صحافیوں عبد المحی شاہ، فہیم انور خان، ارسلان شیرازی، ذوالفقار بیگ سمیت سپورٹس جرنلسٹوں کی بڑی تعداد نے شرکت کی ۔تقریب میں سابق صدر نیشنل پریس کلب شہریار خان اور سینر جرنلسٹ گیبریل ڈی سوزا کے تیس سالہ صحافتی کیریر مکمل ہونے پر انہیں بھرپور انداز میں خراج تحسین پیش کیا گیا جبکہ ایسوسی ایشن کی جانب سے انہیں خصوصی ایوارڈ سے بھی نوازا گیا۔