اسلام آباد (نوائے وقت رپورٹ) اسلام آباد کے نواحی علاقوں میں بجلی کے ٹرانسفارمرز سے کوائلزاور تیل چوری کی وارداتوں کاسلسلہ جاری، رات گئے بنہ کنگڑ داخلی دروالہ میں واردات، علاقہ اندھیرے میں ڈوب گیا ممتازسیاسی وسماجی شخصیت ظہیر حسین راجہ سمیت کئی مکینوں نے بتایا کہ گزشتہ رات نامعلوم چور وں نے ہمارے گائوں کا ٹرانسفارمر اتار لیااور اندر سے کوائلز اور تیل نکال کر خالی ڈبہ چھوڑ کر رفو چکر ہوگئے صبح لوگوں کے اٹھنے پر واردات کا پتہ چلا انہوں نے بتایا کہ اب پورا علاقہ تاریکی میں ڈوبا ہوا ہے خدشہ ہے کہ اب چور اندھیرے کا فائدہ اٹھا کر مزید وارداتیں کریں گے انہوں نے مقامی تھانے اور واپڈا حکام  سے مطالبہ کیا کہ چوری میں ملوث ملزمان کو فوری گرفتار کیا جائے اور ٹرانسفارمر کو درست کیا جائے بصورت دیگر ہم شدید احتجاج کریں گے.