لاہور(سپورٹس رپورٹر)انٹرنیشنل لیگ(آئی ایل)ٹی 20 میں ڈیزرٹ وائپرز کے کپتان کولن منرو نے سپورٹس مین سپرٹ کا مظاہرہ کرتے ہوئے ایک اور مثال قائم کردی۔ آئی ایل ٹی 20 میں ڈیزرٹ وائپرز اور شارجہ واریئرز کے درمیان کھیلے گئے میچ میں شاداب خان کی گیند پر نان سٹرائیکر اینڈ پر کھڑے مارٹن گپٹل کریز سے باہر نکلے اور گرپڑے۔ وکٹ کیپر اعظم خان کے کہنے پر  شاداب خان نے کریز سے باہر موجود مارٹن گپٹل کو رن آئوٹ کردیا۔ تاہم ڈیزرٹ وائپرز کے کپتان کولن منرو نے مارٹن گپٹل کو بیٹنگ جاری رکھنے کا مشورہ دیتے ہوئے سپورٹس مین سپرٹ کا مظاہرہ کیا۔