لاہور(سپورٹس رپورٹر)عمان کے شہر مسقط میں جاری ایف آئی ایچ فائیو سائیڈ عالمی ہاکی کپ میں پاکستان ایونٹ کے کواٹرفائینلز میں جگہ بنانے میں کامیاب نہ ہوسکا۔ پولینڈ نے ایک سخت مقابلہ میں پاکستان کو 7 کے مقابلہ میں 8 گول سے شکست دیکر ٹاپ 8 ٹیموں میں جگہ بنا لی۔ پولینڈ کی جانب سے ڈیمیان نے 2 گول، واجسیک نے 2 گول، مائیکولوج ، میٹیوزگواور ٹوماسز نے ایک، ایک گول سکور کیا۔ پاکستان کی جانب سے کپتان رانا عبدالوحید اشرف نے ہیٹ ٹرک سمیت 5 گول، غضنفر علی اور ارشد لیاقت نے ایک، ایک گول سکور کیا۔پاکستان فائیو سائیڈ ہاکی ٹیم مینجمنٹ میں ہیڈ کوچ اولمپیئن شکیل عباسی اور منیجر اولمپیئن دلاور حسین شامل ہیں جبکہ فزیو تھراپسٹ وقاص محمود اور ویڈیو آپریٹر جنید اختر بھی ٹیم کے ہمراہ موجود ہیں۔