لاہور(کامرس رپورٹر)یونیورسٹی آف سینٹرل پنجاب کے 26 ویںکانووکیشن کی پروقار تقاریب یو سی پی کیمپس جوہرٹائون اختتام پذیر ہو گئیںآخری مرحلے میں فیکلٹی آف مینجمنٹ سائنسز کے1100سے ذائدگریجوایٹس کو اسناد دی گئیں۔دو سیشنز پر محیط ان تقاریب کے مہمانان خصوصی گلوبل فائنینشل لیڈر ندیم حسین اور پاک ویل کے سربراہ سنیل منج تھے۔ علاوہ ازیں فیکلٹی ڈین ڈاکٹر پروفیسر اطہرصدیق ، رجسٹرارکے علاوہ ذہین طلباء و طالبات، اساتذہ اورمعزز مہمانان کی بڑی تعداد ان تقاریب میں موجودتھیں۔تقریب سے خطاب کرتے ہوئے گلوبل فائنیشل لیڈر ندیم حسین کا کہنا تھا کہ طلباء اپنے اہداف بڑے رکھیں۔ ہر کسی کے پاس کوئی نہ کوئی آئیڈیا ہوتا ہے مگر اصل بات اس پر عملدرآمد کی ہے تجربے سے آپ میں سمجھداری بڑھے گی کوشش کریں کہ سمجھدار لوگوں سے تعلق رکھیںنوجوان ہمارا مستقبل ہیں مگر ہماری بدقسمتی ہے کہ ہمارے لیڈروں نے صحیح سمت کا تعین نہیں کیا۔دوسرے سیشن کی تقریب سے خطاب کرتے ہوئے پاک ویل کے سربراہ سنیل منج نے طلبہ کو مبارکباد دی اور کہا کہ گریجوایٹسنوکری کی بجائے اپنا بزنس شروع کرنے کی کوشش کریں نوکری میں آپ کو اپنی اصل ویلیو کا پتہ نہیں لگتا پاکستان ہمارا ملک ہے اس کو نہ چھوڑیں آپ جو بھی ہیں اس مٹی کی بدولت ہیں۔