محترمہ فاطمہ جناح کے یوم ولادت کے سلسلے میں ایوان کارکنان تحریک پاکستان لاہورمیں ایک خصوصی تقریب کل صبح ساڑھے دس بجے ہوگی۔ جس میں نظریہ پاکستان ٹرسٹ کےچیئرمین مجید نظامی ، تحریک پاکستان کے کارکنوں کے ہمراہ سالگرہ کا کیک کاٹیں گے۔ وفاقی دارالحکومت اسلام آباد ، کراچی اور ملک کے دیگر بڑے شہروں میں بھی خصوصی تقریبات میں مادرملت کوخراج عقیدت پیش کیا جائے گا ۔ محترمہ فاطمہ جناح اکتیس جولائی اٹھارہ سو ترانوے کو کراچی میں پیدا ہوئی تھیں انہوں نے اپنے بڑے بھائی قائد اعظم محمد علی جناح کے ہمراہ تحریک پاکستان میں بھرپُورحصہ لیا۔ فاطمہ جناح نے برصغیرکی مسلم خواتین کو ایک پلیٹ فارم پرجمع کیا اور تحریک آزادی میں اپنے بھائی کے شانہ بشانہ رہیں۔