انگلینڈ میں ونسٹن چرچل کے اوپر والے دانتوں کے سیٹ کی نیلامی کی گئی ۔ سونے کے کور والے یہ دانت چرچل کے ایک مداح نے تیس ہزار ڈالر میں خریدے ہیں۔ یہ شخص چرچل کے زیراستعمال وہ مائیکروفون بھی خرید چکا ہے جس کے ذریعےچرچل نے دوسری عالمی جنگ کے خاتمے کا اعلان کیا تھا۔  دانتوں کا یہ سیٹ اس ڈینٹسٹ کے بیٹے نے فروخت کیا ہے،جس نے دوسری عالمی جنگ کے آغاز پر ساٹھ سالہ  چرچل کے لیے اسے بنایا تھا۔ واضح رہے کہ سابق برطانوی وزیر اعظم چرچل کے مصنوعی دانتوں کا دوسراسیٹ پہلے ہی رائل کالج آف سرجنز کو بطورعطیہ دیا جا چکا ہے۔