پولیس کے مطابق کراچی کے علاقے کورنگی چکرا گوٹھ میں نامعلوم افراد کی فائرنگ سے ہوٹل پر بیٹھے دو افراد زخمی ہو گئے جنھیں فوری طور پر جناح ہسپتال منتقل کردیا گیا۔ جہاں بائیس سالہ نوجوان زخموں کی تاب نہ لاتے ہوئے چل بسا ۔ ڈاکٹرز کے مطابق زخمی شخص کی حالت اب خطرے سے باہر ہے ۔ پولیس کا کہنا ہے کہ دونوں افراد کی شناخت نہیں ہوسکی اور واقعہ ذاتی دشمنی کا نتیجہ ہے ۔ ادھر گارڈن میں دوگروپوں میں مسلح تصادم کے نتیجے میں دو افراد عارف اور سلیمان زخمی ہوگئے، جنہیں ہسپتال میں طبی امداد دی جارہی ہے ۔  پولیس نے دوافراد کے خلاف مقدمہ درج کرکے تفتیش شروع کردی ہے۔