اسلام آباد (آن لائن) سینٹ میں اس وقت انتہائی کشیدہ ماحول میں قہقہے بکھر گئے جب سینیٹر حاجی عدیل نے اپنی خوشگوار تقریر میں کہا مشرف کے ساتھی آج مسلم لیگ (ن) کے حامی ہیں، پھول پہنانے والوں نے دوسروں کو پھول پہنایا ہے اور چیف جسٹس کی بحالی کی تقریب میں میرا گھٹنا ٹوٹ گیا مگر چیف جسٹس کی کرسی مضبوط ہوگئی۔ انہوں نے کہا مشاہد اللہ حکومت میں آکر شعر کہنا بھول گئے ہیں کیونکہ وہ شیر کے زیر اثر آگئے ہیں۔