نئی دہلی (آئی این پی) دنیا میں اسلحے کا سب سے بڑا خریدار اور معصوم کشمیریوں پر ظلم ڈھانے والا بھارت اپنی فوج کو جدید اسلحے سے لیس کرنے کیلئے 10 برس میں150 ارب ڈالر خرچ کریگا۔ بھارتی میڈیا کے مطابق پڑوسی ملک جنگی جنون کو تسکین دینے کیلئے مقامی نجی کمپنیوں کی شرکت داری سے اسلحہ سازی کر رہا ہے۔ جنگی ہتھیاروں کے لحاظ سے بھارت کا درآمدات پر انحصار 60 فیصد ہے۔ دوسری جانب ماہرین کا کہنا ہے کہ بھارتی دفاعی پیداواری کمپنیاں گزشتہ 40 سال میں ایک ایسا ٹینک بھی تیار نہیں کرسکی جس پر بھارتی فوج انحصار کرسکے۔ رپورٹ کے مطابق ہر سال بھارت میں ایک کروڑ ملازمتوں کے مواقع میسر ہونگے۔ ادھر مودی چاہتے ہیں کہ اسلحہ کے حوالے سے غیر ملکی کمپنیوں پر انحصار کم سے کم کیا جائے۔