”میں اب رخصت ہو رہا ہوں“ نواز شریف‘ ارکان کے ”نو نو“ کے نعرے

اسلام آباد (عترت جعفری) سابق وزیراعظم محمد نواز شریف کو اس وقت ”نو“ ”نو“ کے نعروں کا سامنا کرنا پڑا جب انہوں نے کہا کہ ”میں اب رخصت ہو رہا ہوں“۔ یہ بات پارلیمانی پارٹی کے پنجابہا¶س اسلام آباد میں منعقدہ اجلاس میں کہی۔ ان کی بات سن کر ہال میں موجود پارٹی ارکان نے ”نو‘ نو“ کے نعرے لگانا شروع کر دیئے جس پر میاں نواز شریف نے کہا کہ میں آپ کے ساتھ رہوں گا۔ میاں نواز شریف نے پورے ملک کا دورہ کرنے کا بھی اعلان کیا۔ سابق وزیراعظم بغیر کسی پروٹوکول کے پی ایم ہا¶س سے پنجاب ہا¶س آئے۔ جبکہ مشاورتی اجلاس میں شاہد خاقان عباسی اور میاں شہباز شریف کے بارے میں فیصلہ ہو چکا تھا جس کے بعد پارلیمانی پارٹی میں دونوں نام بتائے گئے۔ جس پر ہال میں تالیاں بجا دی گئیں۔ میاں شہباز شریف این اے 120 لاہور سے قومی اسمبلی کا الیکشن لڑیں گے جبکہ انہیں ضمنی الیکشن کے انعقاد تک وزارت اعلیٰ چھوڑنے یا ایم پی اے کی نشست چھوڑنے کی کوئی پابندی نہیں ہے۔