مسلم لیگی امیدواروں کی جیت عوام کا نواز شریف پر اعتماد ہے:چوہدری خضر حیات

صفدرآباد(نامہ نگار) صفدرآباد مسلم لیگ ن کے صدر چوہدری خضر حیات طور نے نومنتخب ایم این اے سردار عرفان الحق ڈوگراورایم پی اے سجاد حیدر گجرکو مبارک باد دیتے ہوئے کہا کہ مسلم لیگ ن ہمیشہ سے میرے حلقہ کی عوام کی آواز رہی ہے سردارعرفان الحق ڈوگراورسجاد حیدر گجر کی کامیابی پر حلقہ کی عوام مبارک باد کی مستحق ہے ۔حلقہ سے مسلم لیگی امیدواروں کی جیت عوام کا میاں نواز شریف پر اعتماد کا اظہار ہے۔پنجاب کی عوام میاں برادران سے پیار کرتے ہیںاور کرتے رہیں گے ۔بد ترین دھاندلی کے باوجود پورے پاکستان سے 39لاکھ ووٹ زیادہ لینے والی جماعت خود کو عوامی جماعت سمجھتی ہے۔جبکہ مسلم لیگ کی 50سیٹیں کم ہیں اور ووٹ صرف 39لاکھ کم ہے۔