کراچی(اسٹاف رپورٹر)ڈاکٹر محمد فاروق ستار نے کراچی میں قومی اسمبلی کےحلقہ NA245 اور NA247میں ووٹوں کی دوبارہ گنتی کی درخواست چیف الیکشن کمشنر کو جمع کرادی ہے۔فاروق ستار کو قومی اسمبلی کے حلقہ این اے 245 پر تحریک انصاف کے امیدوار ڈاکٹر عامر لیاقت حسین اور247سے ڈاکٹر عارف علوی نے شکست دی۔میڈیا سے بات چیت میں ڈاکٹرفاروق ستارنے کہاکہ ہمارے چیف پولنگ ایجنٹ اور پولنگ ایجنٹس کو فارم 45 فراہم نہیں کیا گیا اور گنتی کے وقت ہمارے پولنگ ایجنٹس کو پولنگ اسٹیشنز سے باہر بھی نکالا گیا۔واضح رہے کہ این اے 245 کراچی ایسٹ4سے فاروق ستار کے مدمقابل پی ٹی آئی امیدوار ڈاکٹر عامر لیاقت 56615 ووٹ حاصل کرکے کامیاب ہوئے جبکہ فاروق ستار کو 35247 ووٹوں کے ساتھ شکست کا سامنا کرنا پڑا۔این اے 247 کراچی ساﺅتھ 2 میں فاروق ستار کے مقابلے میں پی ٹی آئی کے ڈاکٹر عارف علوی نے 91020 ووٹ لے کر کامیابی حاصل کی جب کہ فاروق ستار 24146 ووٹ لے کر پیچھے رہے۔
فاروق ستار/درخواست