کندھکو ٹ ، بجا رانی اور تیغانی براد ری میں خونی تصادم 3 افراد ہلا ک

کندھ کوٹ(نامہ نگار)کندھ کوٹ شکارپورکے کچے علاقے کے گائوں مہران بجارانی میں بجارانی اورتیغانی برادری میں خونی تصادم تین افراد ہلاک پانچ زخمی ہوئے پولیس نوگوایریابنے کچے علاقے میں نہ پہنچ سکی فائرنگ کا سلسلہ دوگھنٹے تک جاری رہا تفصیلات کیمطابق تھانہ ناپرکوٹ کے حدود گائوں مہران بجارانی میں تیغانی اوربجارانی برادری میںدیرینہ خونی تنازعہ میں تیغانی برادری کے دودرجن سے زائد جدیداسلحہ سے لیس مسلح افراد نے منجی کے فصل کابیج بونے والے بجارانی برادری کے افراد پر اچانک حملہ کردیا راکٹ لانچرزاورگولیوں کاآزادانہ استعمال کیاگیا جسکے نتیجے میں میانداد بجارانی موقع پر ہی ہلاک ہوگیا جبکہ دوست محمد بجارانی ،جلیل بجارانی اور شاہنواز بجارانی سخت زخمی ہوگئے جنہیں تحصیل خانپوراسپتال منتقل کیاگیا جہاں پر شاہنواز بجارانی زخموں کی تاب نہ لاتے ہوئے چل بسا دریں اثنا تیغانی برادری کا نانوتیغانی بھی جوابی فائرنگ میں ہلاک ہوگیاذرائع کیمطابق نانوتیغانی کرمپورکے مکین غلام رسول پنھورکے قتل سمیت سنگین مقدمات میں مطلوب بتایاجاتاہے دونوں فریقین کی زمین کے تنازعہ پر ابتک 28قیمتی انسانی جانوں کا ضیاع ہوچکا ہے ۔