اسلام آباد(نا مہ نگار) وائس چانسلر یونیورسٹی آف انجینئرنگ اینڈ ٹیکنالوجی (این ای ڈی) پروفیسر ڈاکٹر سروش نے بین الاقوامی اسلامی یونیورسٹی کے صدر  ڈاکٹر ھذال حمود العتیبی سے ان کے دفتر میں ملاقات کی۔بدھ کے روز جامعہ کے نیو کیمپس میں ہونے والی اس ملاقات میں دو طرفہ تعاون، انڈسٹری اور شعبہ تعلیم کے مابین ربط اور تعلیمی معیار کو بہترین بنانے کے اقدامات سمیت باہمی دلچسپی کے دیگر امور پر تبادلہ خیال کیا گیا۔پروفیسر سروش نے انجینئرنگ اور ٹیکنالوجی کے فروغ میں این ای ڈی  کی  تاریخ اور کردار سے آگاہ کیا۔