پلازہ کی سیڑھیاں اترتے ہوئے کرنٹ لگنے سے نوجوان گیلری سے نیچے گرگیا

مری (نامہ نگار خصوصی)مال روڈ واقع ایک پلازہ کی سیڑھی سے اترتے ہوئے سندھیاں کا ایک نوجوا ن بجلی کی ننگی تاروں کو چھو جانے کے نتیجے میں کرنٹ لگنے کے بعد گیلری سے نیچے گرکرشدید زخمی ہوگیا۔اس طرح حادثہ نماز فجرکے بعد پیش آیا ، سندہیاںسے تعلق رکھنے والا نوجوان ملازم حسیب عباسی ولد ماسٹر محمد خالد عباسی سیڑیوں سے اترتے ہوئے لفٹ کی ننگی تاروں کو چھو جانے کے بعد اوپر کی منزل سے نیچے جا گرا جو زندگی اور موت کی کشمکش میں مبتلا ہے۔ لواحقین اورعوامی حلقوںنے اس حادثہ کی ذمہ داری متعلقہ ریسٹورنٹ اور پلازہ کی انتظامیہ پر عائد کی ہے ۔زخمی نوجوان کے لواحقین اورعوامی حلقوں نے کینٹ بورڈ مری انتظامیہ سے مطالبہ کیا ہے کہ متعلقہ انتظامیہ کے خلاف سخت قانونی کاروائی کو عمل میں لائی جائے ۔