شیخوپورہ(نمائندہ نوائے وقت)پیپلز پارٹی شیخوپورہ کے سینئر رہنما چوہدری عبدالخالق عزیز مت ورک کے ڈیرہ پر گزشتہ روز سابق صدر آصف علی زرداری کی 67 ویں سالگرہ کے سلسلہ میں کیک کاٹنے کی تقریب ہوئی جس میں قائم مقام ضلعی صدر چوہدری خالق عزیز مت ورک، ضلعی نائب صدر چوہدری منیر قمر واہگہ، سٹی صدر و ٹکٹ ہولڈر صوبائی اسمبلی سید ندیم عباس کاظمی، افتخار احمد بھٹی، کاشف گیلانی، سید ارتضیٰ حسن کاظم، بلال چیمہ، میاں عدنان سعید، میاں عمران سعید، حافظ ارسلان خالق ورک، چوہدری نعمان خالق ورک، حاجی اللہ رکھا، محمد دین کاکا و دیگر رہنما اور کارکنان نے شرکت کی، اس موقع پر سالگرہ کا کیک کاٹا گیا جبکہ شرکاء سے خطاب کرتے چوہدری خالق عزیز مت ورک،چوہدری منیر قمر واہگہ اور سید ندیم عباس کاظمی نے کہا کہ عمران خان ذہنی دیوالیہ پن کا شکار ہو چکا ہے پیپلز پارٹی کی جمہوریت پسندی اور جمہوری اقدار کے فروغ کی خاطر کی گئی جدوجہد قوم کے سامنے ہے پارٹی قیادت نے کبھی بھی ہارس ٹریڈنگ کی حوصلہ افزائی نہیں۔