قصور (نمائندہ نوائے وقت) روڈ کوٹ قصور میں دو نوسرباز خواتین اہل خانہ خاتون کو نشہ آور چیز کھلا کر پچاس لاکھ روپے کے طلائی زیورات اور لاکھوں روپے لیکر رفوچکر ہو گئیں۔ روڈ کوٹ قصور میں 2 خواتین عذرا بی بی زوجہ سرور کے گھر داخل ہوئیں اور اسے ورغلا کر نشہ آور چیز کھلا کر بہوش کر دیا اور نوسر باز خواتین گھر سے طلائی زیورات اور آٹھ لاکھ روپے لیکر غائب ہو گئیں۔عذرا بی بی کو شام کے وقت جب ہوش آیا تو اس نے پولیس کو اطلاع دی۔پولیس تھانہ اے ڈویژن مصروف کارروائی ہے۔