امام حسین ؓ نے کربلا میں لازوال قربانیاںدیکرپرچم اسلام ہمیشہ کیلئے بلند کردیا: ناصر مدنی 

حافظ آباد( نمائندہ نوائے وقت) مکتبہ اہلحدیث کے عالمی شہرت یافتہ خطیب علامہ ناصر مدنی نے یہاں نواحی گائوں نائی والہ میں شہادت حضرت سیدنا امام حسین ؓ کانفرنس سے خطاب کرتے ہوئے کہا کہ نواسہ رسول حضرت سیدنا امام حسین ؓ اور آپؓ کے جانثاران نے کربلا کے میدان میں عظیم اور لازوال قربانیاںپیش کرکے اسلام کے پرچم کو ہمیشہ ہمیشہ کے لئے بلند کردیا۔انہوںنے کہا کہ آپؓ کی قربانی اعلائے کلمۃ الحق کے لئے تھی جس نے یزیدی قوتوں کو پاش پاش کردیا۔ انہوںنے کہا کہ حضرت سیدنا امام حسین ؓ جنت کے سردار ہیں۔ہمیں نواسہ رسولؐ اور آپکے جانثاران کی عظیم قربانیوںکو مینارہ نور بناکر اسلام اور وطن پاکستان کے خلاف اٹھنے والی ہر سازش کو ناکام بنادیناچاہئے۔