پاکستان کیلئے کھیلتا ہوں، کپتانی کیلئے نہیں: شاہین آفریدی

لاہور (سپورٹس رپورٹر) فاسٹ بولر شاہین شاہ آفریدی نے کہا ہے کہ وہ کپتانی کیلئے نہیں بلکہ پاکستان کیلئے کرکٹ کھیلتے ہیں۔ شاہد آفریدی فاؤنڈیشن انڈر 16 کرکٹ ٹورنامنٹ کے فائنل کے موقع پر شاہین خان آفریدی نے میڈیا سے گفتگو کرتے ہوئے کہا ریڈ بال کرکٹ اصل کرکٹ ہے، جس سے سکلز میں بہتری آتی ہے۔ میرا کام کرکٹ کھیلنا ہے۔ لوگوں کی باتوں پر غور نہیں کرتا۔ منفی سوچ کے لوگ آجاتے ہیں لیکن میں اپنی پرفارمنس پر فوکس رکھتا ہوں۔ اپنے ملک کیلئے فخر سے کھیلوں گا۔ٹیم کے 11 کھلاڑیوں اچھے دوست ہونے چاہئیں۔ ایک ہی ملک اور ٹیم کیلئے کھیلتے ہیں تو متحد ہونا چاہیے۔