15 پینک بٹن :سیف سٹی نے2لاوارث بچے ورثاء کے حوالے کر دیئے

لاہور(نامہ نگار)سیف سٹی نے پینک بٹن 15 سیفٹی زون کی بدولت 2لاوارث بچے ورثاء کے حوالے کر دیئے ہیں۔ترجمان سیف سٹیز اتھارٹی کے مطابق 11سالہ محمد بلال اور 6 سالہ علی حسن گھر کا راستہ بھول گئے تھے۔بچوں نے مال روڈ سڑک کنارے نصب 15 پینک بٹن کو دبا دیا۔ ورچوئل پٹرولنگ آفیسر نے کیمروں کے ذریعے دیکھا کہ 2 لاوارث بچے اِدھرادھر گھوم رہے ہیں۔پولیس نے فوری ریسپانڈ کرتے ہوئے بچوں کو حفاظتی تحویل میں لیا۔سیف سٹی ورچوئل سنٹر فار چائلڈ پروٹیکشن نے بچوں کو ورثاء سے ملوا دیا ہے۔