ہارون آباد: کنویں کی کھدائی کرتے تودہ گر گیا‘ 5 مزدور جاں بحق

ہارون آباد  (نامہ نگار) کنویں کی کھدائی کے دوران تودہ گر گیا۔ ملبے تلے دب جانے سے  پانچ مزدور جاں بحق ہوگئے۔ علاقہ کی فضا سوگوار رہی۔ تفصیلات کے مطابق نواحی گائوں 432 سکس آر جو کہ 32 تراب کے نام سے بھی مشہور ہے میں کنویں کی کھدائی کرتے ہوئے پانچ مزدور ملبے تلے دب گئے۔ ریسکیو ٹیم نے اطلاع ملتے ہی موقع پر پہنچ کر آپریشن شروع کیا اور تین مزدورں کو تشویشناک حالت میں ہسپتال منتقل کیا مگر وہ جانبر نہ ہوسکے اور جاں بحق ہوگئے جبکہ دو باقی مزدوروں کی نعشیں بھی نکال لی گئیں۔ جاں بحق ہونے والوں میں زین،گوگا  رضوان، عرفان اور قمر شامل ہیں۔