پی ٹی اے کا 5 شہروں میں سموں کے غیر قانونی اجراپر کریک ڈاؤن 

اسلام آباد(نمائندہ نوائے وقت)پاکستان ٹیلی کمیونیکیشن اتھارٹی کے زونل دفاتر لاہور، فیصل آباد اور پشاور کی جانب سے راولپنڈی، سرگودھا، کوٹ مومن، کوہاٹ اور ہنگو میں واقع ٹیلی نار، جاز، یوفون اور سی ایم پاک (زونگ)کی فرنچائزز پر چھاپوں کا سلسلہ تاحال جاری  ہے۔ فرنچائزز غیر قانونی طور پر سموں کے اجرا میں ملوث تھیں جو اکثر مجرمانہ سرگرمیوں جیسے دھوکہ دہی، شناخت کی چوری اور دیگر غیر قانونی کارروائیوں میں ملوث ہوتی ہیں۔چھاپوں کے دوران ایف آئی اے نے 4 لیپ ٹاپ، 1 پی سی، 12 بی وی ایس ڈیوائسز، فعال سمز، موبائل فونز، ہارڈ ڈسک، فوٹو کاپیوں کے ساتھ اصلی شناختی کارڈ اور افغان پاسپورٹ اور پی او آر کارڈز کی سافٹ کاپیاں بھی قبضے میں لے لیں۔ فرنچائزز میں کام کرنے والے 15 افراد کو موقع پر ہی گرفتار کر لیا گیا۔