سکھرمیں پاکستان ریلوے نے قابضین کے خلاف آپریشن شروع کردیا ہے ۔ ریلوے کے عملہ نے ای این ذوالفقار کی قیادت میں نیو پنڈ اور نواں گوٹھ ریلوے پھاٹک کے مقام پر کارروائی کے دوران وہاں پرتعمیر کیے گئے ایک شادی ہال اور دو مکانوں کو مسمار کر دیا جس کے باعث شادی ہال اور مکانوں میں موجود سامان تباہ ہوگیا ۔ ای این ذوالفقار نے بتایا کہ ریلوے افسران کی ہدایت پر ناجائز قابضین کے خلاف آپریشن جاری رہے گا۔ دوسری جانب معلوم ہوا ہے کہ نیو پنڈ کے علاقے میں گرائے گئے شادی ہال کی منظوری علاقہ کے ایک منتخب نمائندے کی کوششوں سے ہوئی تھی ۔