سابق صدررفیق تارڑ نے لاہورہائیکورٹ میں درخواست دائر کررکھی ہے جس میں سابق صدرپرویزمشرف کانام سرکاری دستاویزات سےحذف کرنے کی استدعا کی گئی ہے ۔ دوران سماعت وفاقی حکومت کی جانب سے جواب داخل کرنے کے لئے عدالت سے مہلت کی استدعا کی گئی۔ فاضل عدالت نے استدعا منظور کرتے ہوئے کیس کی سماعت اکتوبرکے تیسرے ہفتے تک ملتوی کردی ۔ درخواست گزارنے یہ موقف بھی اختیار کیا تھا کہ سابق صدر پرویزمشرف کوریٹائرمنٹ کے بعد ملنے والی مراعات بھی ختم کی جائیں۔