پنجاب بنک سکینڈل کے ملزم ہمیش خان اور شیخ افضل نے لاہورہائیکورٹ میں ضمانت پر رہائی کے لئے رجوع کیا تھا جنہیں عدالت عالیہ نے خارج کردیا تھا۔ جمعرات کے روز بائیس صفحات پر مشتمل جاری کردہ فیصلے میں عدالت کا کہنا ہے کہ ہمیش خان اورشیخ افضل نے قومی خزانے کو بھاری نقصان پہنچایا ہے۔ فیصلے میں کہا گیا ہے کہ دونوں ملزم ضمانتوں کے لئے عدالت کو دلائل سے مائل کرنے میں ناکام رہے۔ فیصلے کے مطابق ہمیش خان اور شیخ افضل کو ضمانت پر رہا کیا گیا تو خدشہ ہے وہ ملک سے فرار ہوجائیں گے۔