ملتان (جنرل رپورٹر) تحریک انصاف کے صدر مخدوم جاوید ہاشمی نے کہا ہے ن لیگ سے استعفیٰ دینے سے قبل میاں نواز شریف کو کہہ دیا تھا صدر زرداری کو کھلا میدان دیا تو ملک کو تباہ کر دے گا مگر میاں نواز شریف نے میری بات نہ مانی۔ آج پاکستان تباہی کے دہانے پر کھڑا ہے اس کی حالت ایک اجڑے گھر جیسی ہے۔ ان خیالات کا اظہار انہوں نے غازی آباد چوک میں منعقدہ جلسہ سے خطاب کرتے ہوئے کیا۔ اس موقع پر سابق ایم پی اے شاہد محمود‘ طارق نعیم اﷲ‘ ملک افضال کھوکھر‘ چودھری نثار‘ معروف خان و دیگر کارکنان موجود تھے۔ جاوید ہاشمی نے کہا انہوں نے اقتدار کو چھوڑ کر تحریک انصاف میں شمولیت اختیار کی تاکہ ملک کو بچایا جائے جبکہ 70ءکی دہائی میں میاں برادران کے پاس 50 لاکھ روپے بھی نہیں تھے اور آج کھرب پتی کا ہندسہ بھی کراس کر گئے ہیں۔