وزیراعلیٰ کے رمضان پیکیج سے عوام کو ریلیف دیا جا رہا ہے: عثمان منان شیخ

لاہور (کامرس رپورٹر) بادامی باغ مارکیٹ کمیٹی پھل و سبزی منڈی کے ایڈمنسٹریٹر عثمان منان شیخ نے دہلی گیٹ، تاجپورہ بیگم کوٹ شالامار ٹائون بازاروں کا دورہ کیا اس موقع پر انہوں نے کہا کہ وزیراعلیٰ شہبازشریف کی طرف سے عوام کو رمضان المبارک کے مقدس مہینہ میں رمضان پیکیج سے عوام کو ضروریات زندگی کی تمام اشیاء مارکیٹ کمیٹی پورے وسائل کے ساتھ فراہم کر رہی ہے۔ وزیراعلیٰ خود رمضان بازاروں کی چیزیں کی کوالٹی کو مانیٹرنگ کر رہے ہیں اور مقدس مہینے میں ناجائز منافع خوری کرنے والے عناصر کے خلاف بھرپور کروائی کی جا رہی ہے اور ان کو روزانہ لاکھوں روپے جرمانہ اور مقدمات در کئے جا رہے ہیں۔