حب پولیس کا سرچ آپریشن 6 ملزم گرفتار، اسلحہ برآمد

کوئٹہ(بیورو رپورٹ)حب پولیس نے شہر کے مختلف علاقوں میں سرچ آپریشن کر کے چھ ملزمان کو گرفتار کر لیا۔ ان کے قبضے سے بھاری اسلحہ برآمد کر لیا گیا ہے۔ پولیس کی بھاری نفری نے بدھ اور جمعرات کی درمیانی شب شہر کے مختلف علاقوں میں چھاپے مار کر چھ ملزمان کو گرفتار کر کے ان کے قبضے سے دو کلاشنکوف ، ایک نائن ایم ایم پستول ، دو سو رائونڈز اور چھ میگزین برآمد کرلئے ہیں ۔ ایس ایچ او حب عطاء اللہ نمانی رونجھو کے مطابق گرفتار ملزمان سے پوچھ گچھ جاری ہے جن سے اہم انکشافات کی توقع ہے۔