انڈر 18 ہاکی ٹورنامنٹ ‘ لاہور گرینز اور بنوں فائنل میں پہنچ گئیں

لاہور(سپورٹس رپورٹر) ڈار ہاکی اکیڈمی کے زیر اہتمام انڈر 18ٹورنامنٹ میں لاہور گرینز اور بنوں کی ٹیموں نے فائنل کے لیے کوالیفائی کر لیا ہے۔ گوجرہ اور لاہور گرینز کی ٹیموں نے میچز جیت لیے۔ پہلا میچ گوجرہ اور لاہور وائٹس کی ٹیموں کے درمیان کھیلا گیا ‘ گوجرہ کو پول میں نمبر ون کی پوزیشن حاصل کرنے کے لیے کم از کم میچ چھ گول کے مارجن سے جیتنا ضروری تھا تاہم گوجرہ کی ٹیم پہلے 35 منٹ میں تین گول کرنے میں کامیاب ہو سکے تاہم باقی میچ میں لاہور وائٹس ٹیم نے بہتر کھیل پیش کرتے ہوئے گوجرہ کو مزید کوئی گول نہ کرنے دیا۔