لاہور (سپورٹس ڈیسک)یورا گوئے کے سابق فٹ بالر ڈائیگو فورلان نے کہا ہے کہ کرسٹیانو رونالڈو پرتگال فٹبال ٹیم کا پچاس فیصد ہے ‘آج اگر یورا گوئے رونالڈ کو روکنے میں کامیاب ہو گیا تو جیت کا امکان روشن ہو سکتا ہے ۔ رونالڈ و نے ہیٹ ٹرک سمیت چار گول کر رکھے ہیں ۔ وہ پرتگال ٹیم کا لیڈر ہے ‘وہ گول کرتا ہے ‘وہ ٹیم کیلئے کتنا اہم ہے سب جانتے ہیں ۔ ہماری ٹیم زیادہ تر دفاعی کھیلتی ہے اسی لئے اس میں بہت اچھے دفاعی کھلاڑی موجود ہیں ۔ رونالڈ عظیم کھلاڑی ہے مگر دیکھنا ہے کہ ہمارے کھلاڑی اسے کیسے قابو کرتے ہیں ۔ ہمارے لئے سب قابل احترام ہیںاور میگا ایونٹ میںکوئی ٹیم آسان نہیںہوتی ہے ۔ پرتگال ٹیم بھی اچھی ہے ۔ رونالڈو کو اس بار مختلف دیکھاہے وہ ٹیم سے زیادہ اچھا کھلاڑی ہے ۔ رونالڈو دنیا کا بہترین کھلاڑ ہے ۔ وہ نہ صرف خود اچھا کھیلتا ہے بلکہ ٹیم کو بھی کھلاتا ہے ۔ اس کا مقابلہ کرنا مشکل ہوتا ہے ۔