انٹرنیشنل سکواش چیمپئن شپ‘ ظفر سسٹرز کا فائنل میں مقابلہ

لاہور (سپورٹس رپورٹر) ایس این جی پی ایل پاکستان انٹرنیشنل سکواش چیمپئن شپ کی فائنل لائن اپ مکمل گرلز ایونٹ میں کراچی کی دو بہنوں مدینہ ظفر اور فائزہ ظفرنے فائنل کے لئے کوالیفائی کر لیا جبکہ بوائز کا فائنل طیب اسلم اور فرحان محبوب کے درمیان سہ پہر چار بجے ہوگا۔ فائنل کے مہمان خصوصی ایم ڈی ایس این جی پی ایل امجد لطیف ہوں گے۔گزشتہ روز بوائز کے پہلے سیمی فائنل میں فرحان زمان فرحان محبوب کے خلاف صرف دس منٹ کھیل کر ہی زخمی ہو کر ریٹائر ہرٹ ہوگئے فرحان محبوب کا اس وقت سکور 11/3, 11/0 تھا۔ دوسرے میچ میں طیب اسلم نے دلچسپ مقابلے کے بعد احسن ایاز کو11/9, 11/6, 11/7 سے ہرا کر فائنل کیلئے کوالیفائی کیا۔